இன்று இப்படியொரு தினம் இருப்பது உங்களுக்கு தெரியுமா..? டிசம்பர் 23 - விவசாயிகள் தினம் (Kisan Day - Farmers Day)

நமக்கு உணவிடும் விவசாயிகளுக்கு இனிய விவசாயிகள் தின வாழ்த்துக்கள் !!

🌾 ஊருக்கே உணவளிப்பவன் விவசாயி. விவசாயத்தையும், விவசாயிகளையும் போற்றும் வகையில் கொண்டாடப்படும் ஒரு தினம் தான் விவசாயிகள் தினம். டிசம்பர் 23-ம் தேதி வருட வருடம் தேசிய விவசாயிகள் தினமாக கொண்டாடப்படுகிறது.

📅இல்லை இல்லை.. டிசம்பர் 23-ம் தேதி தேசிய விவசாயிகள் தினமாக அறிவிக்கப்பட்டதே தவிர, இந்த நாளை இதுவரை யாரும் கொண்டாடி நாம் பார்த்திருக்க மாட்டோம். அதுமட்டுமில்லாமல் இப்படியொரு தினம் இருப்பது பலருக்கு தெரியுமா..? என்றால் அதுவும் சந்தேகம் தான். 

👉 இந்த தேசிய விவசாயிகள் தினம் எதற்காக கொண்டாடப்படுகிறது என இப்போதாவது தெரிந்து கொள்ளலாம் வாங்க..!

👉 நம் நாட்டின் முன்னாள் பிரதமர் சரண் சிங்கின் பிறந்த நாளே விவசாயிகள் தினமாக கொண்டாடப்பட்டு வருகிறது.

👉 உத்தரப்பிரதேச மாநிலம் நூர்பூர் என்ற ஊரில் நடுத்தர விவசாய குடும்பத்தில் பிறந்த இவர், எளிமையான விவசாயத்தை நேசிக்கக்கூடிய மனிதராக வாழ்ந்து வந்தார். 

👉 இவர் ஜூலை 1979-ம் ஆண்டு, 5-வது பிரதமராக பதவியேற்றார். 7 மாதங்கள் வரை மட்டுமே ஆட்சியில் இருந்த இவர் முதன் முதலில் ஜமீன்தாரி ஒழிப்புமுறை சட்டத்தை கொண்டு வந்தார்.

👉 மேலும் விவசாயிகளின் விளைபொருட்களை விற்பதற்காக வேளாண் விளைபொருள் சந்தை மசோதா-வையும் அறிமுகப்படுத்தினார்.

👉 அதோடு இவர் கூட்டுறவு பண்ணை முறை, இந்தியாவில் வறுமை ஒழிப்பும் அதற்கான தீர்வும், வேலை செய்பவர்களுக்கு நிலம் உள்ளிட்ட பல்வேறு நு}ல்களை எழுதியுள்ளார்.

👉 தன் வாழ்நாளில் விவசாயிகளின் நில உரிமைக்காகவும், விவசாயிகளுக்காகவும் குரல் கொடுத்து வந்தவர். அதனால் இவருடைய பிறந்த நாளை 2001-ஆம் ஆண்டிலிருந்து விவசாயிகள் தினமாக கொண்டாடப்படுகிறது.

🌱 பலர் தனக்கும், விவசாயத்திற்கும் சம்பந்தம் இல்லை என நினைத்துக் கொண்டிருக்கிறார்கள். அதனால் தான் விவசாயிகள் தினம் கொண்டாடுவதில் அவர்கள் அக்கறை காட்டுவதில்லை. 

🌱 ஆனால் அது தவறு.. நாம் உண்ணும் உணவிற்காகவும், ஆரோக்கியத்திற்காகவும் நம் மீது அக்கறை கொண்ட யாரோ ஒரு விவசாயி ஏதோ ஒரு மூலையில் பல கஷ்டங்களுக்கு மத்தியில் காய்கறி, பழம், அரிசி என அனைத்தையும் நமக்காக விளைவித்து கொடுக்கிறார். 

🌱 அவர்களுக்கு நன்றி தெரிவிக்கும் வகையில் நாம் அனைவரும் அவர்களுக்கு ஆதரவாகவும், விவசாயத்தை காக்கவும் தேசிய விவசாயிகள் தினத்தை கொண்டாட வேண்டும் என விரும்பி உங்களில் ஒருவராக நாங்கள் விவசாயிகளுக்கு விவசாயிகள் தின வாழ்த்தை தெரிவித்துக் கொள்கிறோம்.

பல பேர் சோற்றில் கை வைக்க..

தன்னை வருத்தி சேற்றில் கை வைத்து பாடுபடுபவன்... 

விவசாயி..!!