எச்சம் / Tamil Grammar, தமிழ் இலக்கணம்

 எச்சம்:

*  பொருள் முற்றுப் பெறாமல் எஞ்சி நிற்கும் சொல் எச்சம் எனப்படும்.

இது பெயரெச்சம்,  வினையெச்சம் என்று இருவகைப்படும்.

பெயரெச்சம்:

படித்த என்னும் சொல் மாணவன், மாணவி, பள்ளி, புத்தகம், ஆண்டு போன்ற பெயர்ச்சொற்களுள் ஒன்றைக் கொண்டு முடியும்.

(எ.கா.) படித்த மாணவன். படித்த பள்ளி.

*  பெயரைக் கொண்டு முடியும் எச்சம் பெயரெச்சம் ஆகும். 

* பெயரெச்சம்  மூன்று காலத்திலும் வரும்.

(எ.கா.) பாடிய பாடல் - இறந்தகாலப் பெயரெச்சம்

பாடுகின்ற பாடல் - நிகழ்காலப் பெயரெச்சம்

பாடும் பாடல் - எதிர்காலப் பெயரெச்சம்

தெரிநிலை, குறிப்புப் பெயரெச்சங்கள்:

எழுதிய கடிதம் – இத்தொடரில் உள்ள எழுதிய என்னும் சொல் எழுதுதல் என்னும்  செயலையும் இறந்தகாலத்தையும் தெளிவாகக் காட்டுகிறது.

* செயலையும்  காலத்தையும் வெளிப்படையாகத் தெரியுமாறு காட்டும் பெயரெச்சம் தெரிநிலைப்  பெயரெச்சம் எனப்படும்.

சிறிய கடிதம் – இத்தொடரில் உள்ள சிறிய என்னும் சொல்லின் செயலையோ,  காலத்தையோ அறிய முடியவில்லை. பண்பினை மட்டும் குறிப்பாக அறியமுடிகிறது. 

* செயலையோ, காலத்தையோ தெளிவாகக் காட்டாமல் பண்பினை மட்டும்  குறிப்பாகக் காட்டும் பெயரெச்சம் குறிப்புப் பெயரெச்சம் எனப்படும்.