டிசம்பர் 2 தேசிய மாசு தடுப்பு தினம்

தேசிய மாசு தடுப்பு தினம்

டிசம்பர் 2-ஆம் தேதி தேசிய மாசு தடுப்பு தினமாகக் இந்தியாவில் கடைபிடிக்கப் படுகிறது. போபால் நச்சுவாயு விபத்தில் மரணமடைந்தவர்களின் நினைவாக இத்தினம் அனுசரிக்கப்படுகிறது.

1984, 2-3 ஆம் தேதி இரவில் போபால் வாயுக்கசிவு துயரம் நிகழ்ந்தது. மீதைல் சையனேட் என்ற நச்சு வாயுவால் பலர் இறந்தனர். இது உலக அளவில் தொழிற்சாலை மாசால் நிகழ்ந்த மாபெரும் பேரிடர்களில் ஒன்றாகும்.

இந்நாளின் நோக்கங்கள் :
தொழிற்சாலைப் பேரிடர்களைத் தடுப்பதும் கையாளுவதும் பற்றிய விழிப்புணர்வைப் பரப்புவது.

தொழிற்சாலை முறைகளாலும் மனித அலட்சியத்தாலும் உருவாகும் மாசைத் தடுத்தல்
மாசுக் கட்டுப்பாட்டு நடவடிக்கைகள் பற்றிய விழிப்புணர்வை மக்களுக்கும் தொழிற்சாலை நிர்வாகத்திற்கும் ஏற்படுத்துதல்.

சில தடுப்பு முறைகள் பற்றிய இந்திய சட்டங்கள்:
★நீர் ( மாசுத் தடுப்பு மற்றும் கட்டுப்பாடு) சட்டம் 1974
★நீர் ( மாசுத் தடுப்பு மற்றும் கட்டுப்பாடு) வரிச் சட்டம் 1977
★காற்று (மாசுத் தடுப்பு மற்றும் கட்டுப்பாடு) சட்டம் 1981
★சுற்றுபுறச்சூழல் (பாதுகாப்பு) விதிகள் 1986
★சுற்றுபுறச்சூழல் (பாதுகாப்பு) சட்டம் 1986
★ஆபத்தான வேதிப்பொருட்களின் உற்பத்தி, சேமிப்பு மற்றும் இறக்குமதி விதிகள் 1989
★மறுசுழற்சி பிளாஸ்டிக் உற்பத்தி மற்றும் பயன்பாட்டு விதிகள் 1999
★ஓசோன் பாதிப்பு பொருட்கள் (முறைபடுத்துதல்) விதிகள் 2000
★ஒலி மாசு (முறைப்படுத்துதலும் தடுத்தலும்) விதிகள் 2000
★பேட்டரிகள் (மேலாண்மை மற்றும் கையாளுதல்) விதிகள் 2001
★மகாராஷ்ட்டிரா மக்கும் குப்பை (கட்டுப்பாட்டு) அவசரச்சட்டம் 2006
★சுற்றுப்புறச்சூழல் தாக்க மதிப்பீட்டு அறிவிக்கை 2006

பலவிதமான மாசால் நீர், காற்று, நிலம், காடு போன்ற இயற்கை வளங்கள் வேகமாக பாதிக்கப்பட்டு வருகின்றன. ஆகவே, இந்த விதிகளையும் முறைகளையும் நடைமுறைப்படுத்தி சுற்றுப்புறச் சூழலை பாதுகாத்து மாசைக் குறைக்க வேண்டியது முக்கியமாகும்.